O Concello de Cervantes informa a todos os propietarios de vehículos agrícolas que a unidade móbil de inspección técnica (ITV) desprazarase no mes de maio ao noso municipio para realizar as revisións obrigatorias. Este servizo estará dispoñible nas seguintes datas e ubicacións:
- 12/05/2025 en Doiras. De 9:00 a 13:30 e de 15:15 a 18:00 horas.
- 13/05/2025 en San Román. De 9:00 a 13:30 e de 15:15 a 18:00 horas.
- 14/05/2025 en Quindous. Só de mañá, de 9:00 a 13:30 horas.
Para solicitar cita previa pódese facer a través das seguintes vías:
- Por teléfono: Chamando ao 981 92 80 80.
- A través da web: Accedendo á plataforma de cita previa en www.sycitv.com.
Solicitar cita con antelación axudará a evitar esperas innecesarias e garantir un servizo máis áxil e eficiente.
Desde o Concello de Cervantes animamos a todos os titulares de vehículos agrícolas a aproveitar esta oportunidade para poñer ao día a ITV sen necesidade de desprazarse fóra do municipio. Para calquera dúbida ou información adicional, poden contactar co Concello a través dos medios habituais.
