Desde o Concello de Cervantes estamos traballando en crear na nosa nova páxina web dous directorios: un de asociacións e outro de negocios locais. Deste xeito, darémoslle visibilidade aos proxectos e iniciativas que se levan a cabo no noso municipio e tamén fomentaremos o contacto, as colaboracións e o consumo local.
Directorio de negocios de Cervantes
Queremos facer un listado con todas as empresas, autónomos, bares, casas rurais, produtores de alimentos, cooperativas, artesáns ou profesionais de todo tipo que ofrecen os seus produtos en Cervantes, teñen o seu negocio no noso municipio ou traballan desde aquí. A idea deste directorio é dar a coñecer todas as actividades profesionais que hai no concello e poder fomentar a contratación local e o comercio de proximidade.
Se realizas algunha actividades económica en Cervantes, mándanos un email a concellocervantescomunicacion@gmail.com cos seguintes datos:
– Nome da empresa / actividade que desenvolves
– Breve descrición da actividade que realiza ou servizos/produtos que ofrece
– Enderezo
– Datos de contacto (teléfono, email…)
– Enlaces ás redes sociais ou á web (se hai).
– Se é posible, mándanos unha foto ou o logotipo
Directorio de Asociacións de Cervantes
Queremos facer un listado con todas as asociacións que están traballando e realizando actividades en Cervantes. Se formas parte dalgunha delas, mándanos un email a concellocervantescomunicacion@gmail.com cos seguintes datos:
– Nome da asociación
– Breve descrición das actividades que realiza ou da súa finalidade
– Enderezo
– Datos de contacto (teléfono, email…)
– Enlaces ás redes sociais ou web da asociación (se as ten)
– Se é posible, mándanos unha foto ou o logotipo da asociación
